Падведзены вынікі дзейнасці банка за першае паўгоддзе 2002 года

Па выніках работы можна канстатаваць прыбытковую працу банка, рост ўласнага капіталу, актываў, рэсурснай базы, аб'ёму выдадзеных кліентам крэдытаў, прыцягнутых сродкаў насельніцтва. Актывы банка да першага ліпеня 2002 года дасягнулі 71 мільярда рублёў, або 114,8% да актываў на пачатак года. Крэдытны партфель павялічыўся амаль у паўтара раза і склаў 37 мільярдаў рублёў, або 52% актываў банка, а рэсурсная база вырасла за паўгоддзе на 14% (яе аб'ём на 1 ліпеня 2002 года перавысіў 56 мільярдаў рублёў). Прыбытак банка за паўгоддзе перасягнула адзнаку ў 600 мільёнаў рублёў.

Расце давер да банка кліентаў - фізічных асоб. Пра гэта сведчаць тэмпы павелічэння аб'ёмаў сродкаў, якія размяшчаюцца ў банку дадзенай катэгорыяй кліентаў – за 6 месяцаў сума ўкладаў грамадзян практычна падвоілася. Уласны капітал, разлічаны для мэтаў рэгулявання дзейнасці банка, ўзрос у параўнанні з пачаткам года на 1980 млн. руб. (113%) і склаў 17137 млн. руб. Усе нарматывы, устаноўленыя Нацыянальным банкам РБ у адпаведнасці з Правіламі рэгулявання дзейнасці банкаў ад 28.06.2001 №173, на 1 ліпеня 2002 года, таксама як і на працягу ўсяго справаздачнага перыяду, банкам няўхільна выконваюцца. Выключэннем з'яўляецца нарматыў гранічнага памеру неграшовай часткі статутнага фонду, які пры вызначаным значэнні 10% складае 26,51%.

У першым паўгоддзі 2002 г. ААТ «Белгазпрамбанк» актывізаваў працу па цэнтралізацыі і правядзенні ўсіх відаў разлікаў беларускіх прадпрыемстваў за прыродны газ, які пастаўляецца ААТ «Газпром». Агульная сума плацяжоў за прыродны газ, пастаўлены ААТ «Газпром» у Рэспубліку Беларусь, праведзеных праз банк за перыяд студзень – чэрвень 2002 года, склала 104,78 млн. даляраў.

Працягваецца развіццё супрацоўніцтва з Еўрапейскім банкам рэканструкцыі і развіцця. З пачатку года крэдытны партфель «Белгазпрамбанка» па крэдытнай лініі ЕБРР павялічыўся на 276 тыс. даляраў і перавысіў два мільёны даляраў ЗША. Са сродкаў крэдытнай лініі ЕБРР 57 кліентаў атрымалі крэдыт у рамках праграмы "Мікракрэдытаванне" на агульную суму 634 тыс. даляраў ЗША. У тым ліку 21 кліенту выдадзены мікракрэдыты на агульную суму 165 тыс. даляраў ЗША праз філіялы ААТ "Белгазпрамбанк". 01.07.2002 г Валютна – Крэдытнай Камісіяй Савета Міністраў Рэспублікі Беларусь адобраны два новых кампанента крэдытнай лініі ЕБРР: «абаротны капітал» і «міжнародны лізінг». У бліжэйшы час плануецца падпісанне дадатковага пагаднення паміж Рэспублікай Беларусь і ЕБРР па адкрыццю гэтых праграм. «Белгазпрамбанк» мае намер прыняць самы актыўны ўдзел у дадзеных праектах.