Самае аўтарытэтнае беларускае выданне ў галіне мастацтва – часопіс «Мастацтва» — значную частку свайго снежаньскага нумара прысвяціла аналізу падзей, якія прайшлі ў рамках міжнароднага тэатральнага фестывалю «Тэатральны тыдзень з Белгазпрамбанкам».
Галоўны рэдактар часопіса — адзін з вядучых беларускіх тэатральных крытыкаў Людміла Грамыка — у публікацыі «Навошта нам гэта трэба?» праводзіць аналіз праграмы фестывалю, адзначаючы высокі клас тэатральных пастановак, якія раскрываюць канцэпцыю фестывалю як зборніка найлепшых дасягненняў сучаснага сусветнага тэатра. А спектаклі «Гук цішыні», «Гамлет» і «У нас усё добра» ў пастаноўках рэжысёраў з сусветным імем Алвіса Херманіса, Оскараса Коршуноваса і Гжэгажа Яжины названыя аўтарам «шэдэўрамі тэатральнага мастацтва».
Тэма «Тэатральнага тыдня з Белгазпрамбанкам» не абмяжоўваецца ў часопісе адной публікацыяй. Сакрэт феномену Гжэгажа Яжины аналізуе пастаянны аўтар «Мастацтва» Ніна Мазур у сваім артыкуле «Экзотыка i стыль». Акрамя таго, старшыня праўлення Белгазпрамбанка Віктар Бабарыка ў гутарцы з галоўным рэдактарам часопіса Людмілай Грамыка разважае аб перспектывах прыватна-дзяржаўнага партнёрства на прыкладзе такога маштабнага праекта, як «Тэатральны тыдзень з Белгазпрамбанкам».
Часопіс «Мастацтва» выдаецца з 1983 года. Яго заснавальнікам з'яўляецца Міністэрства культуры Рэспублікі Беларусь.
Азнаёміцца з публікацыямі снежаньскага нумара часопіса «Мастацтва», прысвечанымі «Тэатральнага тыдня з Белгазпрамбанкам», можна па наступных спасылках:
