Па выніках 9 месяцаў 2012 года Белгазпрамбанк з'яўляецца адным з найбольш эфектыўных банкаў краіны.
Нацыянальным банкам Рэспублікі Беларусь падведзены вынікі дзейнасці беларускіх банкаў па выніках III квартала 2012 года. Так, сукупныя актывы банкаўскай сістэмы складаюць 303 109 млрд. рублёў.
Актывы дзесяткі найбуйнейшых банкаў Беларусі (Беларусбанка, Белаграпрамбанка, БПБ-Ашчаднага банка, Белінвестбанка, Банка БелВЭБ, Прыёрбанка, Белгазпрамбанка, Банка ВТБ (Беларусь), Банка Масква-Мінск, ТК
Банка) складаюць звыш 93% ад усёй банкаўскай сістэмы.
Па выніках 9 месяцаў 2012 года Белгазпрамбанк з'яўляецца лідэрам сярод найбуйнейшых беларускіх банкаў па тэмпах росту дастатковасці нарматыўнага капіталу (на 79,5%). Банк займае другія месцы
па тэмпах росту актываў (22,8%) і эфектыўнасці працы персаналу (3,06 рубля прыбытку на 1 руб. зарплаты супрацоўнікаў), а таксама трэцяе месца па абсалютнай велічыні дастатковасці капіталу (21,6%) і
рэнтабельнасці актываў (3,89%). Чысты прыбытак Белгазпрамбанка па выніках 9 месяцаў 2012 года складае 277 930 млн. руб. – па гэтаму паказчыку банк займае пятае месца ў банкаўскай
сістэме.
Асноўныя паказчыкі эфектыўнасці працы дзясяткі беларускіх сістэмаўтваральных банкаў пазначаны ў наступнай табліцы. Пералік банкаў дадзены ў алфавітным парадку.
Паказчыкі бягучай дзейнасці банка значна перавышаюць паказчыкі нарматываў бяспечнага функцыянавання, устаноўленых Нацыянальным банкам Рэспублікі Беларусь. Нарматыў дастатковасці нарматыўнага капіталу (гэты параметр у цяперашні час складае 21,4%) у два з паловай разы перавышае базавы паказчык (8%). Таксама значна (у 2-3 і больш разоў) перавышаюцца базавыя параметры нарматыўных паказчыкаў ліквіднасці банка, а велічыня спецыяльных рэзерваў (звыш 399 млрд. руб.) знаходзіцца ў межах нормы.
