Галерэя «Арт-Беларусь» і Белгазпрамбанк прэзентуюць новы выставачны праект «Terragraphica: Sacrum». Экспазіцыя ўключае больш за 600 твораў тыражнай (афорт, ксілаграфія, літаграфія) і арыгінальнай графікі, аб'яднаных тэмай боскага, рэлігійнага, нябеснага, тагасветнага, ірацыянальнага, містычнага, які адрозніваецца ад звычайных рэчаў, паняццяў і з'яў.
Пяцісотгадовы перыяд развіцця графічнага мастацтва прадстаўлены біблейскімі сюжэтамі Леанара Гацье, літаграфіямі Сальвадора Далі і Осіпа Цадкіна, афортамі Юліяна Іарданава з выявай подзвігаў Геракла, работамі такіх яркіх прадстаўнікоў еўрапейскіх і беларускай школ, як Гюстаў Дзюрэ, Лембіт Лыхмус, Ота Дыкс., Лукас Востэрман, Валерый Слаук, Леў Алімаў, Аляксандр Шапо і іншых.
Асобная частка выстаўкі прысвечана творам Марка Шагала і графічным серыям ілюстрацый да Бібліі і Кнізе Зыходу. Ключавым элементам стала «Малая падарожная кніжка» Ф. Скарыны з карпаратыўнай калекцыі Белгазпрамбанка.
Адкрыццё «Terragraphica: Sacrum» адбудзецца 21 сакавіка 2024г. у 18-00.
Тэрміны працы выставы: 21 сакавіка 2024 г. – 21 красавіка 2024 года.
Рэжым працы: з 11-00 да 20-00, панядзелак – выходны.
Кошт білетаў на выставу: 15 руб. (поўны), 10 руб. (ільготны). У дзень адкрыцця ўваход на выставу бясплатны.
Адрас: вул. Казлова, в. 3 (Палац мастацтва)
Больш навін Белгазпрамбанка – у нашым Telegram-канале. М.Для падпіскі перайдзіце па спасылцы ці адскануйце QR-код.
