Канцэпцыя стратэгічнага развіцця ААТ "Белгазпрамбанк" распрацавана ў вызначаныя Нацыянальным Банкам тэрміны

Гэты дакумент вызначае асноўныя напрамкі дзейнасці банка на бліжэйшыя некалькі гадоў: арганізацыю і забеспячэнне сістэмы разлікаў беларускіх прадпрыемстваў за энерганосьбіты, стварэнне і развіццё рынку даўгавых абавязацельстваў, якія ўзнікаюць пры разліках за прыродны газ і электраэнергію, а таксама ўдзел у фарміраванні і развіцці недзяржаўнага сектара эканомікі. Рэалізацыя дадзенай канцэпцыі грунтуецца на ўдасканаленні арганізацыйнай структуры банка, дбайным бюджэтаванню і кантролі за магчымымі рызыкамі, пастаянным павышэнні кваліфікацыі і матывацыі працы супрацоўнікаў праз шматпрофільную сістэму курсаў і стажыровак. Неабходна адзначыць, што прыняцце кіраўніцтвам банка Канцэпцыі стратэгічнага развіцця ААТ "Белгазпрамбанк" супала па тэрмінах з загадам Нацыянальнага Банка РБ ўсім прадстаўнікам банкаўскага сектара краіны ў месячны тэрмін распрацаваць праграму іх развіцця на 2001-2010 гады. Такое патрабаванне выклікана намерам цэнтральнага банка Беларусі выпрацаваць сваю Канцэпцыю Праграмы развіцця банкаўскай сістэмы Рэспублікі Беларусь. Яна будзе накіравана на істотнае павышэнне ролі банкаўскага сектара ў эканоміцы Беларусі і набліжэнне беларускай банкаўскай сістэмы па асноўных макраэканамічных параметрах да сярэднееўрапейскага ўзроўню.