Белгазпрамбанк прымае ўдзел у штогадовай выставе «Банк. Страхаванне. Лізінг»

Сёння ў Мінску адкрылася 4-я спецыялізаваная выстава фінансавых паслуг «Банк. Страхаванне. Лізінг», у якой традыцыйна прымае ўдзел Белгазпрамбанк. Выстава «Банк. Страхаванне. Лізінг» – гэта інструмент прадастаўлення інфармацыі аб паслугах фінансавых інстытутаў і пляцоўка для прасоўвання фінансавых прадуктаў і прамога кантакту з патэнцыяльнымі кліентамі. Мэтай выставы з'яўляецца папулярызацыя банкаўскіх, страхавых і лізінгавых паслуг, усталяванне і развіццё дзелавых кантактаў паміж кампаніямі, якія прапануюць паслугі на фінансавым рынку і прадпрыемствамі, прадпрымальнікамі і прыватнымі асобамі, а таксама стварэнне і развіццё новых відаў фінансавых паслуг. У экспазіцыі Белгазпрамбанка прадстаўлены наступныя банкаўскія паслугі: крэдытныя праграмы, дэпазіты, плацежныя карты, грашовыя пераклады, вядзенне бягучых рахункаў і многае іншае. Выстава працуе з 26 па 28 лістапада ў выставачным павільёне па адрасе: Я. Купалы, 27. Арганізатар – кампанія «Экспафорум» пры падтрымцы Нацыянальнага банка Рэспублікі Беларусь, Міністэрства эканомікі Рэспублікі Беларусь і Асацыяцыі беларускіх банкаў.