Выстава «Мастакі Парыжскай школы з Беларусі» мяняе сваё месца прапіскі. 14 студзеня завяршылася яе экспазіцыя ў Нацыянальным мастацкім музеі Рэспублікі Беларусь.
Нацыянальнае турнэ «Парыжскай школы»
Прэс-служба.
Выставу ў сталіцы, за няпоўных чатыры месяцы яе пракату (21.09.12 – 14.01.13), наведалі 43 тысячы чалавек. Гэта вельмі высокі паказчык. Для параўнання, за 2012 год на ўсіх экспазіцыях
Нацыянальнага мастацкага музея (у тым ліку і «Парыжскую школу») пабывалі 183 тысячы чалавек.
Паводле інфармацыі прэс-службы банка, цяпер «Парыжская школа» рыхтуецца пачаць сваё падарожжа па Беларусі, і першым пунктам у гэтым маршруце стане Гомельскі Палацава-паркавы ансамбль Румянцавых і Паскевічаў. Далей арт-праект перамесціцца ў іншыя абласныя цэнтры. Гэта своеасаблівае
«турнэ» па краіне, безумоўна, надасць новы імпульс культурным жыцці Беларусі ў рэгіёнах.
«Мастакі Парыжскай школы з Беларусі» – сумесны праект ААТ «Белгазпрамбанк», Міністэрства культуры Рэспублікі Беларусь, нацыянальнай камісіі па
справах ЮНЕСКА. Тут прадстаўлены творы з карпаратыўнай калекцыі Белгазпрамбанка, музейных і прыватных сходаў. Шырокая публіка змагла сваімі вачыма ўбачыць карціны нашых таленавітых
суайчыннікаў: Марка Шагала, Хаіма Суціна, Восіпа Цадкіна і іншых.
«Мастакі Парыжскай школы з Беларусі» атрымалі высокую ацэнку як прафесіяналаў (часопіс «Мастацтва» ўзнагародзіў выставу высокім тытулам
«Падзеі года»), так і шараговых гледачоў, якія шчодра падзяліліся ўражаннямі ў
кнізе водгукаў Нацыянальнага мастацкага музея:
Вялікі дзякуй усім арганізатарам выставы за магчымасць убачыць сапраўдныя карціны нашых землякоў! Дзякуй, што вы адкрылі для нас імёны нашых знакамітых смиловчан.
Выхаванцы і педагогі Цэнтра дзіцячай творчасці г. Смілавічы
Belle exposition, et les beau musee!
Jeremie & Natalia (Lyon, France)
З задавальненнем і хваляваннем пазнаёміліся з Парыжскай мастацкай школай. Чароўна, прыгожа, радасна і сумна. Уражанні самыя непасрэдныя і добрыя. Творчасць мастакоў
шчыра, як душа дзіцяці.
Р. І. Балашова
Пэн, Царфін, Лежэ – лепшыя ў сваім жанры.
Черевиков А. В. Фаніпаль.
