На інтэрнэт-пляцоўцы artbelarus.by праходзіць прыём заявак ад маладых беларускіх мастакоў для ўдзелу ў арт-праекце «Восеньскі салон» з Белгазпрамбанкам.
Электронныя анкеты на ўдзел у праграме «салона» маладыя беларускія мастакі (ад 18 да 40 гадоў), якія працуюць у любых відах і жанрах мастацтва, могуць запоўніць на artbelarus.by да 23 гадзін 55 хвілін 10 ліпеня 2015 года. Першы ў краіне «Восеньскі салон» з Белгазпрамбанкам будзе адкрыты ў мінскім Палацы мастацтва з 8 кастрычніка 2015 года.
Падача электроннай заяўкі – па сутнасці толькі першы этап праекта. З пула прэтэндэнтаў арганізатары выставы абяруць тых, чые працы патрапяць у экспазіцыю «Восеньскага салона» з Белгазпрамбанкам. Затым, па выніках выставы, у адпаведнасці з распрацаванымі крытэрыямі адбору, кампетэнтнае міжнароднае журы і наведвальнікі вызначаць мастакоў, якія будуць узнагароджаны заснаванай ААТ «Белгазпрамбанк» прэміяй «Арт-Беларусь».
З умовамі ўдзелу і правіламі адбору можна азнаёміцца ў Палажэнні аб выставе.
Аб праекце:
Арт-праект «Восеньскі салон» з Белгазпрамбанкам прысвечаны 25-годдзю ААТ «Белгазпрамбанк». Арганізатары маюць намер аднавіць у Мінску атмасферу легендарных парыжскіх салонаў пачатку ХХ стагоддзя. Унікальнасць мерапрыемства заключаецца ў тым, што ў залах мінскага Палаца мастацтва сустрэнуцца два пакаленні аўтараў, якія, нягледзячы на «дыстанцыю» ў цэлае стагоддзе, аб'яднаны духам наватарства і прагай творчага эксперыменту. Маштабная выстава сучасных беларускіх мастакоў будзе дапоўнена творамі рэальных удзельнікаў легендарных французскіх Восеньскіх салонаў (Л. Бакста, М. Шагала, Х. Суціна, А. Мешчанінава) з карпаратыўнай калекцыі Белгазпрамбанка.
Дзякуючы заснаванай Белгазпрамбанкам прэміі «Арт-Беларусь», маладыя айчынныя аўтары атрымаюць рэальны шанец рассунуць далягляды сваёй кар'еры. Прызавы фонд у суме, эквівалентнай 25.000 еўра (у бел. руб. па курсе НБРБ на дзень выплаты), разлічаны на фінансаванне будучых праектаў і творчых стажыровак пераможцаў праекта.
Для свайго роду «актывацыі» арт-рынку нашай краіны, усе прадстаўленыя ў праекце «Восеньскі салон» з Белгазпрамбанкам працы будуць прапанаваны наведвальнікам выставы для пакупкі. «Восеньскі салон» з Белгазпрамбанкам пройдзе ў сталіцы Беларусі з 8 кастрычніка па 8 лістапада 2015 года па адрасе: Мінск, вул. Казлова 3, Палац мастацтва.
