23 лістапада ў Доме-музеі Ваньковічаў прайшла ўрачыстая прэзентацыя карціны Язэпа Аляшкевіча «Партрэт дамы ў сіняй шалі». Прэзентацыя адбылася ў рамках правядзення мерапрыемстваў, прысвечаных Году культуры, і ў працяг супрацоўніцтва Белгазпрамбанка і філіяла Нацыянальнага мастацкага музея Рэспублікі Беларусь «Дом-музей Ваньковічаў».
У ёй прынялі ўдзел прадстаўнікі прэсы, творчая інтэлігенцыя, афіцыйныя асобы: старшыня праўлення Белгазпрамбанка Віктар БАБАРЫКА, генеральны дырэктар Нацыянальнага мастацкага музея Рэспублікі Беларусь Уладзімір ПРАКАПЦОЎ і яго намеснік па фондах і рэстаўрацыі Сяргей ВЕЧАР.
– Тое, што гэты партрэт з'явіўся ў нас – у першую чаргу заслуга экспертнага савета, у тым ліку людзей, якія прадстаўляюць Нацыянальны мастацкі музей, – адзначыў Віктар Бабарыка. – У нас не сціхаюць дыскусіі аб тым, якія менавіта творы мастацтва неабходна набываць. Калі б не было сапраўдных спецыялістаў, адданых вывучэнню гісторыі культуры, наша калекцыя была б нашмат бядней. Шукаць гэтых мастакоў, даказваць іх беларускае паходжанне – вялікая і складаная праца. Гэты партрэт мы знайшлі на тэрыторыі Расеі, і гэта стала нашай другой спробай набыцця карціны Аляшкевіча (у першы раз мы не дамовіліся па цане). А гэтая праца мне здаецца нават нашмат цікавей! І, на шчасце, нам удалося пераканаць калекцыянераў у Расіі, што яе кошт павінна быць прымальнай.
Твор было набыта Белгазпрамбанкам для сваёй карпаратыўнай калекцыі, якая фарміруецца з твораў вядомых мастакоў, якія знаходзяцца ў сусветных сходах. Карціна ўпершыню экспануецца ў музеі і з'яўляецца дадаткам калекцыі мастакоў-сучаснікаў І. Аляшкевіча, прадстаўленых у залах музея. З 2015 года ў музеі на часовым экспанаванні знаходзіцца партрэт Тамаша Зана пэндзля В. Ваньковіча з карпаратыўнай калекцыі Белгазпрамбанка.
Іосіф (Юзаф) Аляшкевіч (1777-1830) – партрэтны жывапісец ХІХ стагоддзя, сучаснік Валенція Ваньковіча; аўтар партрэтаў і карцін на гістарычныя, рэлігійныя, міфалагічныя сюжэты. Творчасць Аляшкевіча – акадэмічная жывапіс у духу позняга класіцызму з элементамі сэнтымэнталізму. За карціну «Апека сірот» атрымаў званне акадэміка жывапісу. Аўтар партрэта Льва Сапегі. Найбольш значны твор І. Аляшкевіча – «Групавы партрэт». Таксама пэндзля І. Аляшкевіча належаць партрэты Мікалая Радзівіла і блізкага сябра мастака, Адама Міцкевіча.
Часта выязджаў у беларускія губерні, дзе зрабіў нямала цікавых партрэтаў у стылі позняга класіцызму і рамантызму. Сярод іх: «Групавы партрэт», «Партрэт дзяўчынкі». У фондах Нацыянальнага мастацкага музея знаходзяцца тры працы гэтага мастака.
