Гандбалісты клуба «Мешков Брест» з перамогі пачалі выступ у розыгрышы «Кубка Белгазпромбанка». У сваім першым паядынку на пляцоўцы брэсцкага спарткомплексу «Виктория» 17 жніўня 2023 года гаспадары ўпэўнена перайгралі турэцкую «Сакарью» – 37:24.
Сёння брэстчане сустрэнуцца з чэмпіёнам Расіі маскоўскім ЦСКА, які напярэдадні саступіў «Зениту» з Санкт-Пецярбурга з лікам 30:32. «Мешков Брест» згуляе з «Зенитом0.
Па традыцыі, напярэдадні пачатку спаборніцтваў у будынку Брэсцкай абласной дырэкцыі Белгазпрамбанка прайшла сустрэча кіраўніцтва банка і галоўных трэнераў з журналістамі. Старшыня праўлення ААТ «Белгазпромбанк» Ірына Патапава падкрэсліла:
– Для нас «Кубок Белгазпрамбанка» – гэта вернасць традыцыям. Мы аддаём даніну павагі Брэсту і гандболе як вельмі відовішчнай і эмацыйнай гульні. Рады, што наш банк з'яўляецца спонсарам турніру і дае брэстчанам і гасцям горада унікальную магчымасць пераканацца: гандбол варта таго, каб яго глядзець. Таму вітаю ўсіх удзельнікаў і жадаю ім поспеху на пляцоўцы!
У дзень адкрыцця заўзятараў чакала шмат забавак. Ужо ў 18:00 каля «Виктории» адкрылася фан-зона, дзе атмасферу ствараў сімфанічны аркестр Classic Energy ( на фота вышэй ). Магутнае, захапляльнае шоў з шэдэўрамі сусветнай музыкі нікога не пакінула абыякавым! Акрамя таго, самыя юныя прыхільнікі гандбола змаглі пасябраваць з робатам-трансформерам Бамблби – гэта незабыўныя ўражанні для дзяцей і іх бацькоў! А каб у іх засталася памяць аб турніры, на арэне можна было зрабіць здымкі ў незвычайнай інтэрактыўнай фотозоне.
Для даведкі:
Прэстыжны міжнародны турнір «Кубок Белгазпрамбанка» кожны год праводзіцца на берагах Буга ў сярэдзіне жніўня пры падтрымцы БГК «Мешков Брест» і ААТ «Белгазпрамбанк». Упершыню ён адбыўся ва ўжо далёкім 2008-м і з тых часоў рэгулярна збірае ў нашым горадзе самыя моцныя клубы Еўропы і постсавецкай прасторы. У мінулым сезоне «Кубок Белгазпрамбанка» выйграла зборная Беларусі. Часцей за іншых пераможцам гэтага турніру станавіўся «Мешков Брест», у якога восем трафеяў.
Больш навін Белгазпрамбанка – ў нашым тэлеграм-канале. Для падпіскі перайдзіце па спасылцы або отсканируйте QR-код.
