Белгазпрамбанк віншуе з Днём горада: выстава «Мінск – гэта мы!»

У галаўным офісе Белгазпрамбанка адкрыўся выставачны праект, які мы дорым вам да Дня горада! Мінск – прастора, дзе аб'ядноўваецца прырода, гісторыя і архітэктура. Усё гэта фармуе яго ўнікальны ўрбаністычны партрэт. Беларускія мастакі другой паловы XX стагоддзя сталі сведкамі і летапісцамі таго, як сталіца Беларусі чарговы раз паўстала з руін пасля страшнай вайны і ператварылася ў адзін з найпрыгажэйшых гарадоў Еўропы. Адлюстраваць вынік вялікай працы па адраджэнні мірнага жыцця, правільна расставіўшы акцэнты і падарыўшы надзею, жывапісцам удалося дзякуючы далікатнаму выбару каляровай гамы, сюжэтаў, знакавых месцаў, і, вядома, асабістаму стаўленню да Мінска.

На выставе «Мінск – гэта мы!» прадстаўлены творы аўтараў розных пакаленняў – Нінэль Шчаснай, Уладзіміра Мудрагіна, Фёдара Дарашэвіча, Барыса Няпомняшчага, Васіля Пешкуна, Юліі Мацура, Маргарыты Маніс, Маноса Манасзона – якія праз карціны данеслі да нас сваё бачанне выявы сталіцы: у пасляваенныя дзесяцігоддзі і ў цяперашнія дні. Упэўненыя, многія з вас убачаць на палотнах свае любімыя месцы Мінска – гарады, дзе хочацца жыць!

Экспазіцыя даступная для наведвальнікаў па 23 верасня  2024г. згодна з графіку працы галаўнога офіса.

Адрас: г. Мінск, вул. Прытыцкага, 60/2 (уваход пад шыльдай «24/7 банкаўскае абслугоўванне»).