Творы з карпаратыўнай калекцыі ААТ «Белгазпрамбанк» прадстаўлены на выставе «Дзмітрый Стэлецкі. Мастак з душою старажытнай», прымеркаванай да 150-годдзя з дня нараджэння гэтага самабытнага жывапісца. Экспазіцыя разгорнута ў маскоўскім Доме рускага замежжа імя А. І. Салжаніцына.
У свой час Белгазпрамбанк набыў некалькі яркіх работ гэтага мастака, выхадца з Беларусі (Сцялецкі нарадзіўся ў 1875 годзе ў горадзе Брэст-Літоўск Гродзенскай губерні). Усе яны сталі сапраўдным упрыгожаннем міжнароднага праекта, які ў чарговы раз падкрэслівае блізкасць культур Беларусі і Расіі.
Зміцер Стэлецкі
Белгазпрамбанк многія гады мэтанакіравана аднаўляе і вяртае на Радзіму страчанае нацыянальнай культурай, збіраючы творы беларускіх мастакоў па ўсім свеце. Мы сфарміравалі адзіны ў сваім родзе збор, у якім прадстаўлены творы мастакоў-выхадцаў з Беларусі сусветнага ўзроўню: гэта Шагал, Бакст, Стэлецкі і іншыя прызнаныя майстры замежжа.
Выстава, арганізаваная сумесна з Фондам спадчыны рускага замежжа, працягнецца ў Маскве па 26 студзеня 2025 г. А пазнаёміцца з карпаратыўнай калекцыяй Белгазпрамбанка можна ў Мінску, ст галерэі «Арт-Беларусь» (вул. Казлова 3, Мінск, Палац мастацтва, уваход з левага тарца будынка). Час працы: 11.00 - 20.00, выходны – панядзелак.
Больш навін Белгазпрамбанка – у нашым Telegram-каналеМ. Для падпіскі перайдзіце па спасылцы ці адскануйце QR-код.
