Калектыў Белгазпрамбанка прыняў удзел у патрыятычнай акцыі «Ганарымся Радзімай сваёй»!
У юбілейны год 80-годдзя вызвалення Беларусі ад нямецка-фашысцкіх захопнікаў банк не застаецца ў баку ад важных падзей па ўшаноўванні гераічнага народа-пераможцы. Адным са спосабаў выказаць піетэт і падзяку за нашу паспяховую сучаснасць стала акцыя, якая адбылася перад будынкам галаўнога офіса. Апоўдні супрацоўнікі разам выканалі гімн Рэспублікі Беларусь, пасля чаго неба над «банкаўскай плошчай» размалявалася чырвона-зялёнымі кветкамі – гэта больш за трыста паветраных шароў узляцела ўверх як сімвал аднаго на ўсіх жадання аб міры і росквіце для нашай краіны.
Падобныя акцыі ў Беларусі праходзяць рэгулярна і прымеркаваны яны, як правіла, да важных падзей і памятных дат. Белгазпрамбанк далучыўся да мерапрыемства ўпершыню, але ўжо ёсць упэўненасць, што гэта стане добрай традыцыяй яднання і гонару за нашу айчыну.
