Член Савета дырэктараў ААТ «Белгазпрамбанк» Аляксандр Мяшкоў узнагароджаны медалём Нацыянальнага алімпійскага камітэта Рэспублікі Беларусь «За выдатныя заслугі».
![Аляксандр Мяшкоў узнагароджаны медалём Нацыянальнага алімпійскага камітэта Беларусі Аляксандр Мяшкоў узнагароджаны медалём Нацыянальнага алімпійскага камітэта Беларусі](/upload/iblock/8dc/gandbol_meshkov_medal_2014.png)
Узнагароджанне адбылося падчас урачыстай цырымоніі закрыцця сёмага міжнароднага турніру па гандболе сярод мужчынскіх каманд «Кубак Белгазпрамбанка». Аляксандр Анатольевіч Мяшкоў удастоены высокай узнагароды за выдатныя заслугі ў развіцці алімпійскага руху, масавага спорту і спорту вышэйшых дасягненняў Рэспублікі Беларусь. Медаль уручыў віцэ-прэзідэнт Нацыянальнага алімпійскага камітэта, старшыня Беларускай федэрацыі гандбола Уладзімір Канаплёў.
Для даведкі: Аляксандр Анатольевіч Мяшкоў з'яўляецца заснавальнікам Брэсцкага гандбольнага клуба імя Мяшкова, які за 12 гадоў сваёй гісторыі 6 раз выйграў чэмпіянат Беларусі і стаў сяміразовым уладальнікам Кубка краіны. Брэсцкі клуб з'яўляецца базавым для нацыянальнай зборнай краіны. З імёнамі выхаванцаў БГК імя Мяшкова звязаны ўсе сучасныя дасягненні зборнай Беларусі, якая тройчы запар прабілася ў фінальную частку чэмпіянатаў свету і Еўропы. Акрамя таго, у Брэсце вядзецца сур'ёзная і сістэмная праца па прапагандзе здаровага ладу жыцця, развіццю масавага дзіцячага спорту. Сотні хлапчукоў займаюцца гандболам пры падтрымцы клуба і лепшыя з лепшых мясцовых хлопцаў, якія ўжо гуляюць у асноўным складзе каманды.
ААТ «Белгазпрамбанк» сардэчна віншуе Аляксандра Анатольевіча з атрыманнем высокай узнагароды і жадае яму, а таксама спартсменам, трэнерам і адміністрацыйнаму штабу Брэсцкага гандбольнага клуба далейшых перамог на карысць развіцця ўсяго беларускага спорту!