ААТ «Белгазпрамбанк» прыцягнуў у мацярынскага банка крэдыт у памеры 45 млн еўра тэрмінам на 5 гадоў. Прыцягнутыя рэсурсы будуць накіраваныя на фінансавую падтрымку індывідуальных прадпрымальнікаў і юрыдычных асоб - суб'ектаў малога і сярэдняга прадпрымальніцтва.
Як адзначыў намеснік старшыні праўлення Белгазпрамбанка Сяргей Шабан, адкрыццё чарговай крэдытнай лініі на мэты фінансавання малога і сярэдняга бізнесу з'яўляецца значнай падзеяй як для Белгазпрамбанка, так і для банкаўскай сістэмы Беларусі. Гэта найбуйнейшая лінія на мэты развіцця мэтавага кліенцкага сегмента, атрыманая ад аднаго з асноўных акцыянераў банка. Белгазпрамбанк атрымаў унікальную магчымасць пашырыць маштаб крэдытнай падтрымкі і прафінансаваць праекты малых і сярэдніх кампаній, а таксама індывідуальных прадпрымальнікаў на вельмі прывабных умовах.
На працягу двух апошніх дзесяцігоддзяў Банк ГПБ (АТ) аказвае важкае садзейнічанне ў падтрымцы аднаго з асноўных стратэгічных напрамкаў дзейнасці Белгазпрамбанка – развіцці прыватнай дзелавой ініцыятывы і фінансаванні суб'ектаў малога і сярэдняга бізнесу. За апошнія пяць гадоў за кошт прадастаўленых матчыным банкам мэтавых рэсурсаў Белгазпрамбанк аказаў сваім кліентам фінансавую падтрымку на суму больш за 200 млн. даляраў ЗША. У банку створаны эфектыўныя крэдытныя працэдуры, якія пастаянна ўдасканальваюцца ў мэтах максімальнага задавальнення патрэбаў малых і сярэдніх прадпрыемстваў у фінансаванні.
Даведачна
ААТ «Белгазпрамбанк», заснаванае ў 1990 годзе, кантралюецца групай "Газпрома" і займае ў Беларусі вядучыя пазіцыі ў сферы фінансавай падтрымкі прадпрыемстваў малога і сярэдняга бізнесу.
Банк ГПБ (АТ) – уваходзіць у тройку найбуйнейшых банкаў Расіі і займае трэцяе месца ў спісе банкаў Цэнтральнай і Усходняй Еўропы. Абслугоўвае ключавыя галіны расійскай эканомікі, уключаючы нафтагазавую, хімічную і нафтахімічную, машынабудаванне і металаапрацоўку, транспарт, будаўніцтва, сувязь, аграпрамысловы комплекс, гандаль і іншыя галіны. У ліку кліентаў Банка ГПБ (АТ) каля 4 млн фізічных і каля 45 тысяч юрыдычных асоб.
