Брэсцкі гандбольны клуб імя Мяшкова, генеральным спонсарам якога з'яўляецца Белгазпрамбанк, заваяваў пуцёўку ў групавы раўнд Лігі Чэмпіёнаў! Пасля шасцігадовага перапынку самы прэстыжны гандбольны клубны турнір у свеце вяртаецца ў Брэст.
За выхад у групавы раўнд Лігі Чэмпіёнаў на дамашняй пляцоўцы Брэсцкага гандбольнага клуба імя Мяшкова змагаліся чатыры каманды. Акрамя гаспадароў турніру, у кваліфікацыйным турніры прымалі удзел чэмпіёны Славакіі, Сербіі і Галандыі. Спаборніцтвы праходзілі ў фармаце «фіналу чатырох».
6 верасня гаспадары пляцоўкі не зведалі праблем у матчы з «Таргос Бево» з Галандыі, выйграўшы з розніцай у 13 мячоў – 36:23. У іншым паўфінале славацкая «Татран» апынуўся мацней сербскай «Вайводзіны» 25:21.
Чэмпіёны Галандыі нічога не змаглі супрацьпаставіць нападам левага паўсярэдняга Ніколы Манойловича (№9)
У вырашальным матчы 7 верасня сышліся чэмпіёны Беларусі і Славакіі. Каманды добра знаёмыя адзін аднаму па SEHA-лізе. Толькі ў мінулым сезоне яны сустракаліся тройчы. Аматары гандбола, напэўна, добра памятаюць красавіцкую сустрэчу гэтых каманд у паўфінале SEHA-лігі, калі беларускі клуб апынуўся мацней толькі ў серыі пенальці – 31:30.
Такім жа напружаным атрымаўся і матч за выхад у групавы раўнд Лігі Чэмпіёнаў. Першы тайм завяршыўся ўнічыю – 12:12. Гульню зрабілі брэсцкія гандбалісты ў сярэдзіне другога тайма, выйшаўшы наперад на пяць мячоў (24:19) на 52-й хвіліне гульні. Але чэмпіёны Славакіі не збіраліся здавацца, закінуўшы чатыры неўзаемных мяча, і скараціўшы разрыў да мінімуму.
59-я хвіліна гульні змясціла гол капітана БГК Люба Вукича і промах з пенальці славацкага гандбаліста. На апошняй хвіліне каманды абмяняліся галамі, зафіксаваўшы выніковы лік гульні 26:24.
Вырашальны гол у гульні з «Татранам» закінуў капітан БГК імя Мяшкова Люба Вукіч
Брэсцкі клуб выканаў адну з прамежкавых задач сезону, заваяваўшы пуцёўку ў групавы раўнд Лігі Чэмпіёнаў. Беларуская каманда згодна з лёсаваннем трапіла ў групу «А». Сапернікамі нашых гандбалістаў стануць «Кіль» (Германія), «Металург» (Македонія), «Заграб» (Харватыя), «Натурхаус Ла-Рыёха» (Іспанія) і «ПСЖ» (Францыя). Першы матч групавога этапу БГК правядзе на выездзе супраць іспанскага клуба 28 верасня. У раўнд плэй-оф Лігі Чэмпіёнаў выйдуць чатыры лепшыя каманды з групы.
ААТ «Белгазпрамбанк» сардэчна віншуе з выхадам у групавы раўнд Лігі Чэмпіёнаў гульцоў, заўзятараў і адміністрацыю Брэсцкага гандбольнага клуба імя Мяшкова. Жадаем не спыняцца на дасягнутым і радаваць сваіх шматлікіх заўзятараў далейшымі перамогамі!
