"Газпром" і "Газпромбанк" у 2012 годзе інвестуюць у капітал Белгазпрамбанка $100 млн, паведаміў на прэс-канферэнцыі ў пятніцу ў Менску намеснік кіраўніка "Газпрома" Андрэй Круглоў.
"Прынята рашэнне аб правядзенні закрытай падпіскі з мэтай павелічэння статутнага капіталу Белгазпрамбанка. Сума падпіскі складзе Br850 млрд, або $100 млн", - паведаміў А. Круглоў.
"Павелічэнне статутнага капіталу Белгазпрамбанка дазволіць знізіць негатыўныя наступствы, якія прынёс леташні крызіс", - адзначыў ён. А. Круглоў удакладніў, што "Газпром" і "Газпромбанк" ажыццявяць інвестыцыі роўнымі долямі. У цяперашні час ім належыць па 49,2% акцый Белгазпрамбанка.
Ён падкрэсліў, што "Газпром" застаецца акцыянерам Белгазпрамбанка "нягледзячы на тое, што гэта няпрофільны актыў".
"Пакуль мы павялічваем долю ў Белгазпрамбанку", - паведаміў А. Круглоў, каментуючы планаваную дадэмісію Белгазпрамбанка.
А. Круглоў таксама паведаміў, што на сходзе акцыянераў Белгазпрамбанка, якое адбылося ў пятніцу ў Менску, зацверджана трохгадовая праграма развіцця банка.
Намеснік старшыні праўлення Газпромбанка Аляксандр Собаль сказаў на прэс-канферэнцыі, што новыя інвестыцыі расійскіх акцыянераў у Белгазпрамбанк дазволяць кампенсаваць страты капіталу банка, якія ўзніклі з-за дэвальвацыі ў 2011 годзе. "Але праца менеджменту Белгазпрамбанка была абсалютна прафесійнай і дазволіла максімальна скараціць гэтыя страты: дэвальвацыя беларускага рубля была ў 2, 7 разы, капітал Белгазпрамбанка скараціўся ў 1,7 раза", - адзначыў А. Собаль. Па яго словах, "мы задаволеныя намаганнямі каманды Белгазпрамбанка і падтрымалі рашэнне па павелічэнні статутнага капіталу Белгазпрамбанка". Ён нагадаў, што некалькі месяцаў таму Белгазпрамбанку быў прадастаўлены субардынаваны крэдыт на $40 млн.
А. Собаль таксама заявіў, што "мы маем намер працягнуць супрацоўніцтва з Белгазпрамбанкам па сумеснаму фінансаванню кліентаў і ўніфікаванага падыходу да рызыка-мэнэджменту.
Ён сказаў, што "менеджмент Белгазпрамбанка глядзіцца вельмі добра на фоне іншых даччыных структур Газпромбанка".