Інвестарам прапанаваны новы прадукт на фінансавым рынку Беларусі — карпаратыўныя аблігацыі ААТ «Белгазпрамбанк», што для нашай краіны не зусім характэрна, таму што рынак карпаратыўных аблігацый у рэспубліцы фактычна адсутнічаў.
Як паведаміў на сустрэчы з журналістамі старшыня праўлення банка—эмітэнта аблігацый Віктар Бабрыка, некалькі выпускаў аблігацый будаўнічых кампаній, якія прымаліся ў кошт аплаты жылля, а таксама спроба эмісіі гэтых каштоўных папер у крэдытна-фінансавай сферы не атрымалі шырокага распаўсюджання: адсутнічала магчымасць аператыўна ажыццяўляць здзелкі куплі-продаж для шырокага кола інвестараў, таму што паперы абарачаліся на пазабіржавым рынку. Аднак, як адзначыў банкір, у Беларусі сёння існуюць усе неабходныя перадумовы для з'явы яўлення карпаратыўных аблігацый. У прыватнасці, Нацыянальнаму банку ўдалося дасягнуць эфектыўных вынікаў па стрымліванню інфляцыйных працэсаў, апошнія гады характарызуюцца стабільнасцю макраэканамічных паказчыкаў, што i дало падставы фінансістам звярнуцца ды карпаратыўных аблігацый так як адной з рэальных крыніц для прыцягнення грашовых сродкаў, якія адначасова могуць служыць i прадметам рэальнай цікавасці інвестараў. Між іншым, працяглая стабільнасць курсу нацыянальнай валюты i магчымасць прагназавання далейшага яго змянення, фактычная адкрытасць валютнага рынку даюць магчымасць удзельнічаць у набыцці гэтых аблігацый таксама i інвестарам-нерэзідэнтам.
Яшчэ адным аргументаў на карысць выпуску карпаратыўных аблігацый стаў значны рост ў банкаў свабодных кароткатэрміновых рэсурсаў: за перыяд з пачатку мінулага года па ліпень гэтага доля прыцягнутых дэпазітаў у нацыянальнай валюце тэрмінам ды 1 месяца павялічылася з 46,5 працэнта ды 61,3 працэнта, а ў абсалютнай велічыні — з 500 ды 1 трыльена 200 мільярдаў рублёў.
Банкіры спадзяюцца, што першая спроба табары ўдалай: улічваючы ранейшы вопыт, яны прапанавалі інвестарам уласныя аблігацыі на ўмовах размяшчэння i абарачэння, аналагічных умовам па дзяржаўных кароткатэрміновых аблігацыях. Адкрыты продажаў іх будзе праводзіцца на аўкцыене ў сістэме ААТ «Беларуская валютна-фондавая біржа». Адказваючы на пытанне карэспандэнта «Звязды» аб плануемым узроўні даходнасці аблігацый, Віктар Бабрыка адзначыў, што цана іх, а адпаведна — i ўзровень даходнасці, будзе вызначацца на аўкцыене, прынцып правядзення якога аналагічны аўкцыенам па размяшчэнню дзяржаўных аблігацый. «Канешне, мы маем палю ацэнку ўзроўню даходнасці па такіх інструментах, алё публічнасць выпуску накіравана на прыцягненне сродкаў на рынкавых умовах», — падкрэсліў банкір.
Ігар ШЧУЧЭНКА
№ 178 (25510)
17 верасня 2005 г. субота
