Выйсці на рынак знешніх запазычанняў шляхам выпуску карпаратыўных аблігацый, павялічыць да 2010 года актывы да 250 мільёнаў даляраў, а уласны капітал да 50, правесці "рэінжынірынг банка" – аб гэтых і іншых планах падзялілася з журналістамі кіраўніцтва ААТ "Белгазпрамбанк".
Прэс-канферэнцыя адбылася ў гатэлі "Мінск" па выніках сходу акцыянераў. Цяпер акцыянерамі банка з'яўляюцца ААТ "Газпром" – 33,91% акцый, расейскі Газпромбанк – 33,91%, ААТ "Белтрансгаз" – 23,5 % , беларускі ўрад – 8,63% і беларуска-расійскае СП "Брэстгазаапарат" – 0,05%.
Менеджмент і гаспадары банка па традыцыі гаварылі пра поспехі. Аб тым, што мы жывем не Швейцарыі, заставалася здагадвацца толькі па намёках на няпростае стаўленне бізнесу і ўрада. Разам з тым, як прызнаўся старшыня праўлення Белгазпрамбанка Віктар Бабарыка, выхваляцца яму было асабліва прыемна, паколькі поспехі ёсць на самай справе.
У прыватнасці, у 2004 годзе была праведзена чарговая эмісія акцый банка, у выніку якой статутны фонд банка павялічыўся амаль у чатыры разы і перавысіў 20 млрд. рублёў. Акрамя таго, была атрымана першая транша субардынаванага крэдыту ў 5 млн даляраў ад "Газпромбанка". У гэтым годзе столькі ж збіраецца вылучыць і іншы акцыянер – "Газпром". Наўпрост, без гарантый урада і акцыянераў, былі прыняты рашэнні аб доўгатэрміновым фінансаванні "Белгазпрамбанка" з боку ЕБРР і МФК на 5 і 6 млн даляраў адпаведна. Увогуле, давяраць на Захадзе банку сталі больш, што, зрэшты, нядзіўна пры такіх акцыянерах.
Паспяхова рухаецца і праграма па микрокредитованию. Тэрмін крэдыту павялічыўся да 36 месяцаў, а сума плацяжу на аднаго пазычальніка – да 100 000 даляраў. Праўда, як адзначыў В. Бабарыка, паколькі крыніц для крэдытавання дробнага бізнесу ў краіне вельмі мала, "нам не ўдалося разгрузіць чаргу з пазычальнікаў". Па гэтай прычыне банк плануе звярнуцца ў ЕБРР для павелічэння аб'ёмаў крэдытных ліній для гэтай праграмы.
Па словах кіраўніка банка, у 2004 годзе банк практычна цалкам выканаў даведзеныя яму нарматывы прыцягнення замежных фінансавых рэсурсаў у краіну ў аб'ёме 21 млн даляраў. "У 2005 годзе мы плануем прыцягнуць яшчэ 15-20 млн знешніх запазычанняў з боку заходніх фінансавых рынкаў", – дадаў старшыня праўлення.
У бягучым годзе "Белгазпрамбанк" збіраецца павялічыць прыбытак не менш чым на 20% актываў банка, крэдытаў кліентам – на 20-25%.
Белорусская Деловая Газета (29.03.05)
